到瑞士採訪BaselWorld採訪已是6年內的第5次, 雖然每年的Schedule都排得密密麻麻且每朝6點就起身, 但仍然是Enjoy的, 因為每次出Trip一去到外地個人會Relax得多, 不似在香港日日都係趕趕趕同有幾十個電話同Email搵你. 而且Basel是個每年一次好機會跟各行家聚一聚.
每年BaselWorld最期待就是Breitling的ID Club大型Party(本身好怕去Party, 但這個Party我每年一定要去!)Breitling Party每次都會成為Basel的一大話題, 因為佢不是有什麼大明星到場, 而玩得夠大夠癲兼有劇情, 每次都唔知車了你去邊度, 以下就是我去的幾年所玩的主題:
2006年在還未啟用的行車隧道玩冰火同Fifth Element, 裸女同Blue Man Group表演;
2007年 在偏遠山頭玩阿拉伯王子派對, 仲有白老虎(i didn't go to Basel that year);
2008年 搭蒸汽火車去某火車廠+意大利南部小鎮+教堂Drag Queen Disco
2009年 Breitling 150周年所以走Grand路線, 在邊境(甚至是可能到了德國那邊)水力發電廠搭了個皇宮, 加在水霸放煙花
2010年 (應該又是在火車廠內)德國啤酒節同機動遊戲嘉年華+在貨櫃內被空中半天吊兼Thriller表演+古巴Havanna Party
今年Breitling就玩'方便'同與眾同落(每年Breitling Party Ticket都非常搶手, 只可邀請少數人參加). 選址會場對面的Hall 3樓上停車場舉行, 精彩之處是每晚6點完場時有大型煙火表演兼一大班特工女郎持鎗進場, 本來是品牌宣傳同晒冷的好機會, 可惜品牌非常低調完全沒有襯這大好機會宣傳自己品牌, 好多人見到仲以為係Basel大會搞的表演!
今年Party主題是亞洲同日本風, 可能是場地所限玩得不太癲, 更可以說是我參加的這麼多年來最失色的一次, 或者本身是亞洲人關係, 好怕見到老外穿和服同唐裝跳舞表演, 扮忍者同打功夫, 總是不倫不類, 加上個造型就確實幾差, 班間場女Dancer跳舞又麻麻地, 有唔少仲好Hea, 音樂又麻麻, 更是大打折扣. 今年是Fine Dining, 全晚大部分時間是坐低慢慢食, 但就真係幾悶同時間過得好慢!終於等到轉場去最尾部分的Dancing Party, 是八九十年代Style Daft Punk電子派對, 但係都是麻麻地, 我可以說之前他們的 Dancing Party佈置實在太勁, 今年就毫無裝修可言...失望. 唯一好處是場地夠方便, 即刻落樓下坐電車去火車站趕車返酒店.
跟每年都同我去Party的攝記'賽後檢討', 個Party係唔好玩, 不過我想品牌仍然花了好多$$$$, 首先租Hall 3肯定不平, 加上每晚都在Basel會場外兩次'放火'表演條數都襟計, 而且成個Fine Dining Area看似是室內, 其實是品牌在天檯搭建的超大型帳篷, 有晒空調同佈置得好骨子, 可以睇晒Basel全景...ok! 這幾點為Party加番唔少分!
